U Bah SHLUR

Ka lamphrang da ka Raiot: Lai phew san snem mynshuwa (35) U Bah Shlur Nongbri, uwei na ki khlur kynjat bol (Football star) uba don nam jong ka Wahingdoh Sports Club bad  ka Shillong, u la khlad noh na ka pyrthei  ha ka 3 tarik November 1980. U la iehnoh shadien ia ki dienjat ba kynsai bad ba nylla jong u ha ki madan kynjat bol jong ka Ri khasi bad shabar ruh kumjuh. Kumba la kren ha ka sngi  leit on tep, “Haba ngi kynmaw ia U Bah Shlur, ngi kynmaw ia ki ‘ball’ kiba u kynjat”. Kumta ha kane ka lyngkhuh sngi iap kaba laiphew san ka Raiot ka pynmih ia ka jingkren jong u General secretary, ka Wahingdoh Sports Club ha ka jinglehniam leit on tep kaba la long ha ka 5 November 1980. Ryngkat bad kane, ka Raiot ka pynmih ruh ia ki dur bad jingthoh shaphang  U Bah Shlur. Ka jingthoh bad ka dur jong u Bah Shlur lem bad kiwei de ki khlur kynjat bol ka Ri India kaba la mih pyrthei ha ka kot khubor Sports and Pastime, 23 June 1956. Nangta ka khubor bad ka dur kaba iadei bad ka jingiakhun jong ka Wahingdoh Sports Club ha ka Bordoloi Trophy ha ka snem 1961 bad sa kawei pat ka dur jong ka Shillong Team kaba la jop ia ka Assam Inter-District Football Tournament ha Karimganj ha ka snem 1963, ha kaba U Bah Shlur u la long u Captain.

cats

U Bah SHLUR

(Kane ka long ka jingkren jong u Bah L.Filbert Shullai, General Secretary, Wahingdoh Sports Club ha shuwa ban pyndep ia ka jinglehniam ha ka sngi leit on tep ha ka 5 November 1980. Ia kane ka jingkren la sot na ka kot Snem Thymmai ba la thoh da L.Gilbert Shullai)

U Bah Shlur um don shuh- Sah tang jingkynmaw. Bun ki la leit noh ha shuwa jong ngi, bad u Bah Shlur u la leit noh ha shuwa jong ngi kiba iadon lang hangne-

“Ki la shu lip noh kum khlur step ka mihngi,

Ha  jingshai ka sngi kum ka ding ba meh;

Kumta ka long jingleit jong ngi na pyrthei,

Sah tang jingkynmaw ki kam ba ngi leh”.

 

U Bah Shlur u la long u mawlynnai ba korkor ha ka pyrthei ‘football’ jong u paid Khasi Ba Iar; hoiod jong ka North East India bad jong ka Ri India hi baroh kawei, lada ym shym la don ka jingpynwit ba un ia ioh bynta ha ka jingiapynbeit ba khadduh ban ia jied ia ka ‘football team’ jong ka Ri India kaba yn leit ia shim bynta ha ka jingialehkai Olympic ha Rome ha ka snem 1960.

mr shlur nongbri

Kum u nongialehkai ‘football’ u Bah Shlur u la sdang paw pyrthei naduh ka por ba u dang don kumba khadphra snem ka rta. Ka lah ban dei ka sap kyrpang ba u Blei Trai Kynrad U la ai la sam kyrpang ha u. Haba ngi kynmaw ia U Bah Shlur, ngi kynmaw ia ki ‘ball’ kiba u kynjat, bad ia U Bah Shlur kum u nongialehkai ‘football”. U riewstad u ong- “Ban khein dor ia uno uno u briew dei ban peit ia u ha ka jinglong ba bha tam jong u”.

Ka kot khubor SPORTS & PASTIME kaba 23 tarik u bnai June jong ka snem 1956 ha ka jingthoh kaba iadei bad ka Inter-State Football Tournament (Santosh Trophy) kaba la long ha Ernakulum, la thoh kumne ha ka jingiadei bad u Bah Shlur:-

“There were a few good goals, but the one scored by Assam inside-right, Shlur Nongbri against Delhi was a real gem. Eighteen year old Nongbri-the youngest member of his team- is a product of the Mawkhar Christian High School in Shillong. He showed rich promise. He appeared facile in both inside berths. He also displayed an equable temperament”

raiot 001-horz

Mynta ngi wan hangne ban leit on tep donburom ia u Bah Shlur. U Bah Shlur um don shuh hapdeng jong ngi; u la khlad noh na kane ka pyrthei shong basa ha ka 3 November 1980. Ha kane ka por, la sngewdei ban iathuh kham bun shaphang ka jingim u Bah Shlur, hynrei la kham sngewdei ban kyntu ia ki paralok ban ia pule biang ia kaba u Bah Shlur u la thoh hi shaphang ia lade ha ka SILVER JUBILEE SOUVENIR jong ka Wahingdoh Sports Club ba la pynmih ha ka snem 1971. U Bah Shlur u la pynkut ia ka jingthoh jong u da kine ki lain-

“Aiom iwbih ki dang pyrta

Ho ia ki lok ban ialehkai sngewbha,

Kawei ka buit kawei ka bor

Ko samla na wahingdoh”.

 

Hynrei shuwa ban pynkut, u la buh kum u “Maw jabieng” ha ka kynroh jong katei ka jingthoh jong u ia kine ki kyntien shongsbai:-

“Ka jingialehkai Football kam dei ka jingialehkai jong ki kynthei, hynrei ka dei ka jingialehkai jong ki Rangbah ha kaba hap pynlut bad bor bad sor, bad buit bad sap, bad dei ruh ban pynshitom ia lade ha ki bun rukom lada ki kwah ban long ki nongialehkai kiba tbit bad kiba don nam ha ka Ri”.

Kumba ban biang ia kajuh, haba ngi kynmaw ia u Bah Shlur, ngi kynmaw ia ki ‘ball’ kiba u kynjat, bad ia u Bah Shlur kum u nongialehkai ‘football’. Ha ka kot khubor- Shillong Times kaba 28 tarik June 1960 la thoh shaphang u Bah Shlur kumne:

“It is a moment of profound delectation and pride for the soccer fans of Assam in general and Shillong in particular to learn that one of its prominent and scintillating footballers Shri Shlur Nongbri has been selected to undergo training in Hyderabad for the final selection of Indian Football Team for Rome”

To many who have had the opportunities to observe closely the performance of this star player, there is absolutely no room for doubt of his immense potentialities in the field of soccer. By displaying his wonderful consistency of dexterity and technique he has earned his fame and popularity in Assam-nay even outside. In fact, his name has become a household word in every nook and corner of Assam whenever soccer is played

Ha ki kyntien u Edson Arentes Do Nascimento,u nongialehkai ‘football’ ba donnam ka pyrthei jong kane ka juk, ia uba la ju tip kum u PELE nga pynkut-

“This is not our life

Everything here is a game

A passing thing,

What matters is what I’ve done

And what I’LL leave behind,

Let it be an example

For those that come.

There are many people

With the will to fight

Life is not just this

Truth is farther beyond”

 

U Bah Shlur um don shuh ha pyrthei. Ngi duwai ba ka mynsiem jong u kan shong junom ha ka jingsuk.

KHUBLEI BAH SHLUR-LEIT SUK – RAIOT Collective

raiot 003

 

Raiot

Subscribe to RAIOT via Email

Enter your email address to subscribe to this blog and receive notifications of new posts by email.

Join 15.7K other subscribers
Raiot Collective Written by:

We are many, we are one.

Be First to Comment

Leave a Reply